DANAk Valentziako probintzia astindu zuenetik bi aste bete direnean, erakundeen eta herritarren arteko elkartasunak oso beharrezkoa izaten jarraitzen du, biztanleek ahalik eta lasterren nolabaiteko normaltasunera itzultzeko aukera izan dezaten.
Elkartasun guzti hori eraginkorra izan dadin, beharrezkoa da laguntza guztia zuzen bideratzea eta antolatzea, unean uneko benetako beharrak kontuan hartuz. Horretarako, Valentziako Generalitateak herritarren, elkarteen eta enpresen eskura jarri duen SOM SOLIDARITAT atari ofiziala erabiltzea gomendatzen da, DANAren ondorio larriak jasan duten pertsonentzako laguntzak eta dohaintzak bideratzeko.
Une honetan, Valentziako erakundeen helburu nagusia kaltetutako pertsonak ahalik eta lasterren etxera itzultzea da, eta eskolek eta ikastetxeek datozen egunotan berriro eskolei ekitea. Hori aurrera eraman ahal izateko, eskolako materialarekin eta etxeetan bizitzeko altzari/tresnekin lotutako guztia izango da beharrezkoa.
Antolatu diren elikagaien bilketen egoerari eta horien banaketari dagokionez, euskal erakundeek eta Euskadiko Elikagaien Bankuek komunikatu bateratu bat igorri zuten joan den ostiralean, udalek, enpresek eta gizarte-erakundeek kontuan hartu beharreko xehetasun guztiekin.
Elikagaiak eta materialak bidaltzeaz gain, erakunde ofizialek emandako kontuetatik dirua bidaltzea da laguntzeko modurik onena, eta hori helarazten jarraitzen dute tokian bertan jarduten ari diren erakunde eta elkarteek.
Horretarako, estatu mailan, Gurutze Gorriak, Caritasek, FESBAL-k eta Valentziako Boluntarioen Plataformak, dohaintzak jasotzeko larrialdi-kontuak aktibatu dituzte, premiazkoena den laguntza bideratzeko (ura, janaria, garbiketa-materiala, higiene-materiala…). Momentuz ez da lehentasunezkoa arropa jasotzea.
-Valentziako Boluntariotzaren Plataforma: ES35 3159 0049 8129 8488 1322
-FESBAL (Federación Española de Bancos de Alimentos).
EAEko erakundeek, ohar bateratu batean, herritarrei hurrengo gomendioak egiten die:
ZER EGIN?
- Egoeraren eta beharrizanen berri jaso.
- Egoera hauei erantzuteko gai diren eta eragindako eremuetan presentzia duten erakundeei dohaintza ekonomikoak egitea.
- Egoera honetan laguntzen duten euskal erakundeetan boluntario egitea.
ZER SAIHESTU?
- Gauzazko dohaintzak egitea.
- Norbere kabuz jardutea, larrialdietan eta ekintza humanitarioan espezializatutako erakundeekin harremanetan jarri gabe.
- Kaltetutako eremuetara joatea.
GOGORATU
- Elkartasunak eraginkorra eta denboran jarraitua izan behar du.
Informazio gehiago:
–“Herritarren aktibazioa eta lankidetza – Valentziako larrialdia” (Iturria: BizkaiaGara).
-“Herritarren aktibazioa eta lankidetza – larrialdia DANA Valencia” (Iturria: Batekin).
–“Lankidetza arduratsu eta koordinaturako deia” (Iturria: Valentziako Boluntariotzaren Plataforma).
-“Valentziako erakundeen erantzuna DANAren aurrean” (Iturria: Valentziako GGKEn koordinakundea).