Boluntariotzaren euskal estrategia 2025-2028.

2025-2028ko Boluntariotzaren Euskal Estrategia hausnarketa horietan inspiratzen da, eta sektorearen erronka nagusiei heltzen die. Horretarako, sei ardatz estrategiko lantzen ditu —nortasun kolektiboa, gobernantza ona, sentsibilizazioa, ezagutza, ikuspegi komunitarioa eta inpaktua—, zeinek aintzat hartzen baitituzte antolakundeek eta boluntarioek identifikatutako lehentasunak. Ardatz horien bidez zera lortu nahi da, besteak beste: gizarteak aitorpen zabalagoa ematea boluntariotzari; profil berriak erakartzea; bideragarritasuna hobetzea, eta gizartearen eraldaketa digitalari bultzada ematea.