DYA GIPUZKOA

DYA Gipuzkoa irabazi-asmorik gabeko elkartea da, pertsonen ondoan egoteko konpromisoa duena. Laguntza eskaintzeko, prebentzioa sustatzeko eta osasuna bultzatzeko lan egiten dugu, Gipuzkoa seguruagoa, solidarioagoa eta ongizate handiagokoa eraikitzen lagunduz.

Gure boluntarioek funtsezko zeregina betetzen dute hainbat arlotan, hala nola osasun-laguntzan, lehen sorospenetako formakuntzan, oinarrizko bizi-euskarrian eta prebentzioan, erreskatean eta larrialdietako esku-hartzean, baita adinekoei, mugikortasun urria duten pertsonei, edo mendekotasun edo zaurgarritasun-egoeran dauden pertsonei zuzendutako gizarte-programetan ere.

DYA Gipuzkoan ez du axola adinak, formakuntzak edo aurretiko esperientziak. Boluntario bakoitzak bere interes, gaitasun eta motibazioetara ondoen egokitzen den arloan parte hartzeko behar duen prestakuntza eta laguntza jasotzen ditu, komunitatearen zerbitzuarekin konprometitutako talde baten parte bihurtuz.

Informazio gehiago DYAren web gunean.

Entitatearen jarduera

Babes zibila eta larrialdiak Osasuna

MARTXAN DAUDEN PROGRAMAK

Larrialdietako osasun-laguntza .

Boluntarioek urgentzia edo osasun-larrialdi egoeretan esku hartzen dute, eta, aldi berean, Premiazko Osasun Garraioaren Sareari laguntza ematen diote, 112tik bideratutako abisuei erantzunez eta larrialdi-egoeretan hasierako arreta emanez.

Programa ikusi
2026-07-30

Prebentziozko osasun-zaintza.

Boluntarioek osasun-estaldura eskaintzen dute kirol-, kultura-, aisialdi-ekitaldietan eta jendetza biltzen duten beste ekitaldi batzuetan, parte-hartzaileen eta publikoaren segurtasuna bermatzeko helburuarekin

Programa ikusi
2026-07-30

Formakuntza.

Boluntarioek herritarrei zuzendutako formakuntza-jardueretan parte hartzen dute, lehen sorospenak, oinarrizko bizi-euskarria, arriskuen prebentzioa eta ohitura osasungarriak irakatsiz, gizarte prestatuago eta seguruagoa sustatzeko.

Programa ikusi
2026-07-30

Gizarte-ongizatea.

Adinekoei, mendekotasun-egoeran daudenei edo mugikortasun urriko pertsonei zuzendutako zerbitzua da. Joan-etorrietan laguntza eskaintzen zaie, etxera sartzeko, hitzorduetara joateko edota eguneroko jarduerak egiteko, haien autonomia eta ongizatea sustatuz

Programa ikusi
2026-07-30

Erreskatea eta herritarrentzako laguntza.

SOS Deiakekin koordinatuta aktibatzen diren taldeak dira, arrisku-egoeretan esku hartzeko, hala nola desagertutako pertsonen bilaketetan, ebakuazioetan, eguraldi-alertetan eta herritarren segurtasuna arriskuan jartzen duten bestelako larrialdietan.

Programa ikusi
2026-07-30