SAREGINEZek, Gipuzkoako Boluntariotza Entitateen Sarea, Boluntarioen Nazioarteko Eguna ospatzeko, Abenduak 3an, ostirala, goizeko 10:30etatik 13,30etara, Donostiako Gipuzkoa plazan antolatuko duen ekitaldira gonbidatzen zaitu.
“Erein Boluntariotza” lelopean, boluntarioek “ereiten” duten lanari esker, gure gizartean sortzen dituzten onurak ikusarazi eta aitortzea izango da jardueraren helburu nagusia.
Jai giroan, SAREGINEZetik, ekimenean parte hartzera gonbidatu nahi zaitugu.
Ekitaldian zehar haziak ereiteaz gain, boluntariotzaren zuhaitzetan geure mezuak eta gogoetak zintzilikatu eta partekatuko ditugu.
Zatoz Boluntarioen Nazioarteko Eguna ospatzera!