Gipuzkoako Boluntariotzaren Sariaren helburua da jendaurrean aitortzea, boluntarioekin eta boluntariotzaz, ikuspegi sozial, humanitario eta/edo solidariotik komunitateari zerbitzua emateko bokazioz jarduten duten eta interes orokorreko programetan, baztertutako taldeei laguntzen eta/edo jarraian zehazten diren arloak sustatzen nabarmendu diren pertsonek nahiz gizarte erakundeek egindako ibilbidea: berdintasuna, giza eskubideak, osasuna, gizarteratzea, kultura, kirola, babes zibila, gazteria, ingurumenaren babesa edo garapenerako lankidetza.
EPAIMAHAIAREN OSAKETA
Gipuzkoako Boluntariotzaren Sarira aurkeztutako hautagaien merituak hamar lagunek osatutako epaimahai batek aztertu eta baloratuko ditu. Epaimahaikide guztiak lehenengo oinarrian zerrendatutako arloetan diharduten irabazi asmorik gabeko entitateetakoak izango dira. Eztabaidan parte hartuko dute, hitzarekin baina botorik gabe, honako hauek: Gizarte Politiketako Departamentuko kargudun politiko batek eta teknikari batek (bera izango da idazkaria); eta Gizalde boluntariotza sustatzeko zerbitzuko kide batek, aipatu departamentuarekin hitzartuta.
Informazio gehiago Gipuzkoako Foru Aldundiko webean